नांदेडमध्ये वाळू माफियांविरुद्ध आता महसूल विभागही मैदानात, बिहारी टोळ्यांवर आता करडी नजर 

नांदेड जिल्ह्यात महसूल विभागाकडून वाळू माफियांवर कारवाईचे सत्र सुरूच आहे;  मात्र अनेकवेळा पुरेशा पोलीस बंदोबस्ताअभावी कारवाई प्रभावी ठरत नाही. जिल्ह्यात वाळू व्यवसायामध्ये शिरलेल्या गुन्हेगारी प्रवृत्ती पाहता मोठ्या पोलीस बंदोबस्तातच कारवाई करणे शक्य आहे. त्यामुळे महसूल विभागाने कारवाईसाठी पावले उचलली तरी त्याला पोलीस विभागाकडून अपेक्षित सहकार्य आवश्यक आहे. अनेकदा ते मिळत नसल्याची बाब पुढे आली आहे.  आता खुद्द पोलीस विभागाचे प्रमुख आणि इतर अधिकारी वाळू माफीयांविरुद्ध कारवाई करत असल्याने या मोहिमेला निश्चितच गती येणार आहे. नूतन जिल्हाधिकारी राहुल कर्डिले यांनीही जिल्ह्यातील पर्यावरण संवर्धन आणि रक्षणासाठी आपले प्राधान्य राहील हे स्पष्ट केले आहे. त्यामुळे आगामी काळात जिल्ह्यातील प्रमुख नद्यांसह लहान मोठ्या ठिकाणावरून होणाऱ्या वाळू उपसावर निश्चितच नियंत्रण राहील अमाप २४ तास सुरू असलेला अमाप वाळू उपसातून होणारा पर्यावरणाचा ऱ्हास निश्चितच थांबेल, अशी अपेक्षा नांदेडकर करत आहेत.