गोदावरी नदीला आलेल्या महापुरात या पाण्याचा प्रवाह अतिशय वेगात होता. गोदावरी नदीवरील नावघाट पूल ३ दिवस पाण्याखाली गेला. त्यातच नावघाट पुलावर जुन्या नांदेडसाठी असलेली जलवाहिनी या पुराच्या पाण्यात वाहून गेली. नवीन नांदेडातील असदवन येथून आलेल्या ४५० एमएम व्यासाचे ३ पाईप महापुरात वाहून गेले. परिणामी जुन्या नांदेडचा पाणीपुरवठा खंडित झाला आहे. पुराच्या पाण्यामुळे चार दिवसापासून जुन्या नांदेडात पाणी पुरवठा झाला नव्हता. आता नांदेडला आणखी चार दिवस जोरदार पावसाचा इशारा दिला आहे. २७ सप्टेंबर रोजी तर हवामान विभागाने ऑरेंज अलर्ट दिला आहे. त्यामुळे या जलवाहिनीची दुरुस्ती महापालिका पाणीपुरवठा विभागाला करता येणे शक्य नाही. पावसाचा इशारा संपल्यानंतर आणि गोदावरीची पाणी पातळी कमी झाल्यानंतर ही दुरुस्ती करणे शक्य होणार आहे. त्यामुळे जुन्या नांदेड वासियांना आता पाण्यासाठी प्रतीक्षाच करावी लागणार आहे.
महापालिकेने आता टॅंकरने जुन्या नांदेडात पाणीपुरवठा करण्यासाठी तयारी केली आहे. परंतु किल्ला आणि चौफाळा या दोन जलकुंभावरून होणारा पाणीपुरवठा मोठ्या प्रमाणात प्रभावित होईल, हे निश्चित. या दोन जलकुंभावरून जुन्या नांदेडातील किल्ला, चौफाळा, होळी, रंगार गल्ली, मन्यार गल्ली, गाडीपुरा, महंतवाडी, मरघाट रोड, भावेश्वर नगर, बिलालनगर, चिरागगल्ली, गवळी गल्ली, गौतम नगर, पठाण गल्ली, बडा नाला, सराफा, जोशी गल्ली, गाडीपुरा, नावघाट, नरसिंह गल्ली, मारवाड गल्ली, आईना महाल टेकडी, न्यू फतेह बुरुज, कालापूल, धनगर गल्ली, जुनी मारवाड गल्ली, सीडी घाट, अरब गल्ली, बुरुड गल्ली, कुंभार टेकडी, पाठक गल्ली, सय्यदान, हनुमान मंदिर आदी भागाला तसेच चौफाळा जलकुंभावरून सुळटेकडी, हातजोडी, शाही दवाखाना, विणकर कॉलनी, मोमीनपुरा, गनिमपुरा, संघसेन नगर, पिवळी बिल्डिंग शांतीनगर, प्रीतीनगर, मंडई मोठी आदी भागात पाणीपुरवठा केला जातो. हा पाणीपुरवठा ३० सप्टेंबरपर्यंत बंद राहणार असल्याचे नांदेड महापालिकेने कळवले आहे.
Gandi ladhete goroshe ham ladege choroche