नांदेडमध्ये जागतिक आरोग्य दिनापासून महापालिका रुग्णालयात मोफत बाह्य रुग्ण सेवेस प्रारंभ

नांदेडमध्ये १ मेपासून उच्च रक्तदाब आणि मधुमेहग्रस्त रुग्णांकरीता विशेष चिकित्सालय…आधुनिक जीवन शैलीमुळे उच्च रक्तदाब आणि मधुमेह या सारखे आजार वाढत आहेत. या आजारांचे वाढते प्रमाण विचारात घेता नांदेड वाघाळा शहर महानगरपालिकेने उच्च रक्तदाब आणि मधुमेह या आजारांच्या निदान आणि तपासणीसाठी विशेषज्ञ आणि समुपदेशक यांच्या सुविधेसह विशेष चिकित्सालयाची उभारणी करण्याचा संकल्प सन २०२५-२६ च्या अर्थसंकल्पात करण्यात आला होता. या विशेष चिकित्सालयाचा प्रारंभ एक मे पासून नांदेड शहरात करण्यात येईल अशी घोषणा महापालिकेचे आयुक्त डॉ. महेशकुमार डोईफोडे यांनी केले आहे. या विशेष चिकित्सालयमधून उपचार घेणाऱ्या रुग्णांना नि:शुल्क  तपासणीसह, औषधींचे वितरण देखील नि:शुल्क करण्यात येणार आहे. यामुळे उच्च रक्तदाब आणि मधुमेहग्रस्त नागरिकांच्या वैद्यकीय खर्चात बचत होण्यास मदत होईल, असा विश्वास आयुक्त डॉ. डोईफोडे यांनी व्यक्त केला आहे.