नांदेड शहरात हरित क्रांतीचे प्रणेते वसंतराव नाईक यांच्या पूर्णाकृती पुतळ्याच्या उद्घाटनाची जय्यत तयारी 

दरम्यान, नांदेडमध्ये होणाऱ्या केंद्रीय गृहमंत्री अमित शहा यांच्या दौऱ्याच्या पार्श्वभूमीवर नांदेडमध्ये पोलीस प्रशासनाकडून सुरक्षेच्या दृष्टीने मोठ्या प्रमाणात दक्षता घेतली जात आहे. जिल्ह्यात संवेदनशील आणि महत्त्वाच्या ठिकाणी ड्रोन उडवणे आणि चित्रीकरण करण्यास २५ मे ते २० जलैपर्यंत प्रतिबंध करण्यात आला आहे. सुरक्षेच्या दृष्टिकोनातून आवश्यक असलेल्या जिल्ह्यातील संवेदनशील ठिकाणावर ही ड्रोन बंदी घालण्यात आली आहे. त्याचवेळी नांदेड जिल्हा दौरा अनुषंगाने नियोजित सभा भेटी आणि कार्यक्रम शांततेत पार पडावे, या काळात कोणताही अनुचित प्रकार घडू नये या दृष्टिकोनातून महाराणा प्रतापसिंह चौक ते वसंतराव नाईक चौक, अण्णाभाऊ साठे चौक, नवीन मोंढा, शंकरराव चव्हाण पुतळा, महात्मा फुले पुतळा आयटीआय चौक, शिवाजीनगर औद्योगिक वसाहत आणि आनंदनगर चौक या भागात तसेच जिल्हाधिकारी कार्यालयासमोरील मुख्य रस्ता, डॉ. बाबासाहेब आंबेडकर यांचा पुतळा, छत्रपती शिवाजी महाराज यांचा पुतळा तसेच दौऱ्याच्या ठिकाणी, जिल्हाधिकारी कार्यालय, महात्मा गांधी पुतळा ते महावीर चौकपर्यंतच्या परिसरातील मुख्य रस्त्यावर २५ मे रोजी सकाळी सहा वाजेपासून ते बुधवार २८ मे  पर्यंत उपोषण, आत्मदहन, धरणे, मोर्चे, रॅली, सत्याग्रह आदी आंदोलन करण्यास प्रतिबंध घालण्यात आला आहे.