नांदेड दक्षिण आणि लोहा विधानसभा मतदारसंघाचे उमेदवार ‘वंचित’ने केले घोषित

महाराष्ट्र विधानसभेची मुदत नोव्हेंबरमध्ये संपणार आहे. त्यामुळे नोव्हेंबरपर्यंत निवडणुका होणे अपेक्षित आहे. निवडणुकीची घोषणा आतापर्यंत झाली पाहिजे होती असे राजकीय विश्लेषक सांगत आहेत. मात्र निवडणुकांची सध्या तरी घोषणा झाली नाही. ऑक्टोबरच्या दुसऱ्या आठवड्यात राज्यातील सार्वत्रिक निवडणुकांची घोषणा होईल अशी अपेक्षा आहे. आगामी विधानसभा निवडणुकीच्या अनुषंगाने महाविकास आघाडी आणि महायुतीकडून जागा वाटपांचा तिढा सोडवला जात आहे. दुसरीकडे तिसरी आघाडीही राज्यात उमेदवार देणार आहे. याबाबतही बैठकांचे सत्र सुरूच आहे.  या सर्व राजकीय घडामोडी होत असताना वंचित बहुजन आघाडीने मात्र राजकीय आघाडी घेत विधानसभेसाठी राज्यातील ११ विधानसभा मतदारसंघातील उमेदवारांची घोषणा केली आहे. यामध्ये नांदेड दक्षिण विधानसभा मतदारसंघात फारूक अहमद आणि कंधार लोहा लोहा कंधार विधानसभा मतदारसंघात शिवा नरंगले यांना उमेदवारी दिली आहे. त्यामुळे आतापासून हे दोन्ही उमेदवार प्रचाराला लागणार आहेत. हे दोन्ही उमेदवारांनी २०१९ ची विधानसभाही याच मतदारसंघातून लढवली होती. पुन्हा एकदा या दोन्ही उमेदवारांना वंचित ने संधी दिली आहे.

 राज्यातील रावेर, सिंदखेडराजा, वाशिम, धामणगाव रेल्वे, नागपूर, नांदेड दक्षिण लोहा, औरंगाबाद पूर्व, शेगाव आणि खानापूर या मतदारसंघाचे उमेदवार घोषित केले आहेत.